Gihangyo sa labor group nga SENTRO ang Department of Labor and Employment nga bag-uhon ang sistema sa TUPAD program aron maghatag og permanenteng trabaho sa mga katawhang walay panginabuhian.
Gipasabot sa Secretary General nga si Joshua Mata nga imbes nga gamiton lang ang pondo alang sa emergency employment, mas maayong ipatuman ang Public Employment Program nga naghatag og guaranteed jobs sama sa ubang nasud.
Nagatoo ang grupo nga angay gamiton ang dakong pondo sa TUPAD sa mga trabahong nag-atiman sa kinaiyahan ug care work alang sa mga tigulang ug PWD.
Busa ang panawagan sa pundok, kinahanglang ang gobyerno maoy mismong mo-empleyo sa katawhan tungod kay dili tanang batakang serbisyo sudlan sa pribadong sektor.
