Gisugyot sa Convenor sa People’s Constitutional Reform Initiative nga si Wilson Amad nga bag-uhon ang sistema ug itugyan na sa mga multi-sectoral group ang pagtudlo sa mga hurado sa Korte Suprema.
Gihimo sa Lay Theologian ang maong panawagan human nadismaya ang publiko sa pagbalibad sa Korte Suprema nga ipadayon ang Barangay ug Sangguniang Kabataan Elections sa nasud.
Nagpasidaan ang lider nga dili na angay itugyan sa Presidente o sa mga politiko ang pagpili og mga huwes aron magpabilin ang tinuod nga hustisya ug walay gidapigan sa mga dagkong kaso.
Busa hiniusa ang panawagan sa grupo nga gikinahanglan ang dakong reporma sa hukmanan aron masiguro nga ang katungod sa katawhan maoy kanunayng magpatigbabaw.
