Nangayo karon og tinooray nga aksyon gikan sa gobyerno ang Kalipunan ng Damayang Mahihirap o KADAMAY alang sa pagpanaog sa presyo sa mga batakang palitonon ug bayronon sa nasud.
Namahayag ang Secretary General sa grupo nga si Mimi Doringo sa milabay nga pagsaulog sa ika-28 nga anibersaryo sa pundok nga lakip sa ilang gipanawagan ang paggahin sa gobyerno og igong pondo alang sa mga batakang serbisyo sa katawhan.
Gidugang pa ni Doringo nga angay paminawon ang tingog sa mga kabos sa pag-umol og mga pamaagi nga makapagaan sa kalisod sa panginabuhian.
Busa nanawagan ang pamunuan sa pundok sa tanang maralita nga maghiusa sa pagpadayag sa ilang mga reklamo aron matubag ang panginahanglan sa mga kabus
