Gikumpirma ni PRO- 10 spokesperson Police Major Joann Navarro ang pagka-aresto sa unom ka indibidwal, pag-rescue sa usa ka menor de edad, ug pagkakompiskar sa gibentahang 45 milyones pesos nga mga ekipo sa illegal nga pagmimina sa Barangay Tuburan, Cagayan de Oro City sa miaging Biyernes.
Butyag ni Navarro, gikonsidera ang nabisto nga minahan isip large-scale mining operation diin nasakmit ang dose ka excavator ug unom ka truck nga nakatakdang pahamtangan og kasong paglapas sa Philippine Mining Act of 1995 batok sa mga suspek.
Hisayrang, gi-turnover na sa kapolisan ang na-rescue nga menor de edad ngadto sa mga social worker samtang padayon ang imbestigasyon sa ahensya.
Pinasikad niini, padayon ang gihimong pagsusi sa kapolisan aron matino ug mapasakan og kaangayan nga kaso ang utok luyo sa maong illegal nga pagmimina nga gikatahong usa ka foreign national
