Gihagit sa mga magbabalaod si Presidente Ferdinand Marcos Jr. nga paspasan ang pagpagawas sa pondo ug paghatod sa tabang ngadto sa mga komunidad nga nag-atubang sa posibleng grabeng epekto sa hulaw tungod sa El Niño.
Gipaluyohan sa 20 ka senador ang Proposed Senate Resolution No. 765 nga nagtumong sa pag-awhag sa Malacañang nga mopatuman sa dugang mga lakang aron maatiman ang kahimtang.
Giduso sa maong resolusyon ang pagdeklarar ang State of Calamity o State of Imminent Disaster sa mga lugar nga grabeng naapektuhan o posible pa nga maigo sa El Niño.
Gipasabot sa mga senador nga ang dali nga deklarasyon makatabang sa mas episyenteng pagpagawas sa pondo ug pag-apod-apod sa ayuda ngadto sa mga residente.
Masaligon ang mga senador nga pinaagi sa maong lakang makapamenos kini sa kadaot sa agrikultura ug makapanalipod sa panginabuhian sa mga pamilya nga pinakaapektado sa dugayng kakulang sa ulan
