Gibuksan pag-usab sa Commission on Elections (COMELEC) ang voter registration sugod ning adlaw’ng Martes, Nobyembre 10, pinaagi sa pagpatuman sa Special Register Anywhere Program ug pag-isyu sa voter certificates sa Luneta Park sa Manila.
Gitugotan sa programa ang mas sayon nga pagparehistro sa mga botante isip kabahin sa pagpangandam alang sa 2028 national ug local elections.
Gipahibalo sa COMELEC nga ang voter registration magpadayon hangtod Hulyo 30, 2027 aron hatagan sa igong panahon ang mga kwalipikadong Pilipino nga makapalista.
Giawhag sa komisyon ang publiko nga magparehistro sa labing sayong panahon aron masiguro ang ilang partisipasyon sa umaabot nga eleksiyon.
