Gisugdan sa Department of the Interior and Local Government (DILG) ang imbestigasyon sa posibleng data breach nga nalambigit sa Local Government Unit Support System–Barangay Information Management System (LGUSS-BIMS), nga mahimong nakaapekto sa Records of Barangay Inhabitants (RBI).
Gipahibalo sa ahensya niadtong Nobyembre 10 nga ilang gitan-aw ug gitubag ang mga gikatahong isyu nga may kalabutan sa seguridad sa datos. Nakigtambayayong usab ang DILG sa National Privacy Commission aron masuta ang tinuod nga kahimtang ug posibleng gidak-on sa maong insidente.
Gipasalig sa departamento nga ilang ipadayon ang imbestigasyon ug ang pagpatuman sa mga lakang aron mapanalipdan ang personal nga impormasyon sa publiko.
