Gipangandaman ni President Ferdinand Marcos Jr. ang pag-abot ni Brazilian President Luiz Inácio Lula da Silva sa Pilipinas karong Nobyembre 14 hangtod 15 alang sa usa ka state visit nga nagtimaan sa ika-80 nga anibersaryo sa diplomatikong relasyon tali sa Pilipinas ug Brazil.
Gilauman nga mapalawom sa duha ka nasod ang kooperasyon sa mga sektor sama sa pamatigayon ug pamuhunan, agrikultura, enerhiya, siyensya ug teknolohiya, depensa, ug teknikal nga kolaborasyon.
Gipahibalo sa Presidential Communications Office nga ang maong pagbisita kabahin sa padayon nga paningkamot sa duha ka nasod aron mapalig-on ang bilateral nga relasyon.
Motambong usab si Lula sa ika-49 nga ASEAN Summit isip Guest of the Chair, diin ang Brazil usa ka sectoral dialogue partner sa rehiyonal nga organisasyon.
