Gi-awhag ni Communications Undersecretary Claire Castro ang mga grupo nga nagplano sa protesta atol sa ika-49 nga ASEAN Summit nga ipakita ang maayong kabubut-on ug pagkamaabiabihon sa mga Pilipino ngadto sa mga bisitang lider ug delegado.
Mipahayag kini nga adunay daghang higayon aron ipadayag sa publiko ang ilang mga reklamo sa gobyerno ug mas maayo unta kon dili kini itakda sa panahon sa pag-abot sa mga bisita sa nasod.
Kini maoy tubag ni Castro sa laraw sa PISTON nga mulusad sa transport strike sa Nobyembre 16, dungan sa internasyonal nga kalihokan.
Gipasalig usab niini nga andam ang gobyerno sa paghatag og tabang sa mga sektor nga mahimong maapektuhan sa mga demonstrasyon ug protesta.
