Naluoy si senator-judge Lito Lapid kang Davao City Accountant Vingelin Bahan tungod sa paglisud niini sa pagtubag sa mga pangutana sa mga senator-judges sa imepachment trial.
Matud ni Lapid, taliwala sa taas nga oras sa pagdungog, daghan gihapong pangutana ang wala nahatagan og klarong tubag.
Dugang pa sa senador, mahimong mapungot usab ang katawhang misunod ug naminaw sa trial tungod sa dili direktang pagtubag sa testigo.
Gipangutana usab ni Lapid kung gigamit lamang ba ang pangalan ni Bajan sa mga audit ug transaksyon sa ubang auditing firm ug mga kompanya nga nahisgutan sa pagdungog, bisan og wala matud pa nasayod ang testigo sa mga detalye niini.
Sa laing bahin, hugot nga gipanghimakak ni Bajan nga gigamit lamang siya.
Gihuman ni Lapid ang iyang pangutana sa komedya nga tingali bisan ang adlawng natawhan sa testigo kay nalimtan na usab niini. (raniel mahunyag)
