Gipasigarbo sa ACCERT ug sa ilang mga partner nga organisasyon sa Cagayan de Oro ang kahinungdanon sa Dugong Bombo blood donation project sa BOMBO RADYO Philippines aron makatabang sa mga pasyenteng nanginahanglan sa dugo sa mga ospital.
Sa pakighinabi sa BOMBO RADYO CDO, miingon si Jose Jogary Reyes, nga dako ang epekto sa matag bag sa dugo tungod kay mahimong makatabang kini sa tulo ka mga pasyente nga nagkinahanglan sa pag-abono sa dugo.
Gipakita usab sa ACCERT ang ilang pasalig sa community service pinaagi sa pag-apil ug pagsuporta sa mga kalihokan nga adunay direktang kaayohan sa komunidad. Giimbitar ni Reyes ang mga miyembro sa Eagles, mga partner nga grupo, ug mga residente sa Misamis Oriental nga motambong sa blood donation drive nga gihimo sa USTP aron makahatag sa ilang donasyon.
Gidasig niya ang publiko nga moapil sa kalihokan samtang bukas pa kini hangtod alas kuwatro sa hapon isip kabahin sa paningkamot sa pagpalig-on sa suplay sa dugo sa rehiyon.
