Gidasig ni Presidente Ferdinand “Bongbong” Marcos Jr. ang mga negosyante ug mamumuhunan sa ASEAN nga magtinabangay aron mapalambo ang ekonomiya ug makamugna sa dugang trabaho sa rehiyon atol sa ASEAN Business and Investment Summit 2026 sa Pilipinas.
Gipasiugda sa presidente ang responsableng paggamit sa Artificial Intelligence (AI) isip yawe sa pagpalambo sa mga negosyo ug sa paghatag og mas episyenteng serbisyo sa publiko. Ang Pilipinas nagduso usab sa AI-powered nga mga programa alang sa micro, small, and medium enterprises (MSMEs) aron mapalig-on ang ilang kompetisyon ug pagpalapad sa operasyon.
Giawhag usab ni Marcos ang dagkong kompanya ug mga mamumuhunan nga suportahan ang gagmay’ng negosyo pinaagi sa pagpaambit sa teknolohiya, kahibalo, ug mga oportunidad aron mas daghang MSMEs ang makabenepisyo sa pag-uswag sa ekonomiya. Ang maong panawagan nahiuyon sa mas halapad nga paningkamot sa ASEAN nga masiguro nga ang kauswagan sa rehiyon mahimong inklusibo alang sa tanan.
Gipasalig sa Pangulo nga magpadayon ang Pilipinas sa pagpakigtambayayong sa mga nasud sa ASEAN aron mapalig-on ang pang-ekonomiyang kooperasyon, makamugna og trabaho, ug makhatag og mas maayong kaugmaon alang sa mga katawhan sa rehiyon.
Ang tema sa ASEAN chairmanship sa Pilipinas karong 2026 mao ang “Navigating Our Future, Together,” nga nagpunting sa hiniusang pag-atubang sa mga hagit ug oportunidad sa umaabot-
