ASEAN boosts cross-border labor inspection in the fishing sector. Discover how member nations, including the Philippines, enhance worker protection and supply chain oversight.

Gikumpirmar ni Department of Labor and Employment (DOLE) Secretary Francis Tolentino nga mas gipahugtan pa sa mga nasud nga miyembro sa Association of Southest Asian Nation (ASEAN) ang cross-border labor inspections aron mas epektibong mabantayan ang kahimtang sa mga mamumuo sa sektor sa pangisda, ilabina sa mga operasyon nga naglangkob sa dagat ug nagtabok sa managlahing hurisdiksyon.

Ang Pilipinas miila nga aduna pay kinahanglan mapalambo sa labor inspection sa karagatan, busa gipasiugda ang pagbinayloay sa best practices gikan sa mga nasod sama sa Malaysia ug Indonesia aron mapaayo ang sistema sa inspeksyon.

Ang ASEAN Guidelines on Strengthening Labour Inspection in the Fishing Sector nagdasig usab sa mas hugot nga koordinasyon tali sa labor, maritime, fisheries, immigration, ug law enforcement authorities sa rehiyon.

Gilauman nga ang pagtinabangay sa mga miyembrong nasod makapalig-on sa implementasyon sa nagkahiusang pamaagi sa ASEAN alang sa labor inspection, partikular sa logistics ug supply chain nga konektado sa industriya sa pangisda.

Hisayran nga nakapahimulos ang Pilipinas sa maong inisyatiba tungod sa mas daghang kaabag nga mga nasod nga makatampo sa pagpalambo sa proteksyon ug kaayohan sa mga mamumuo sa rehiyon.