Gihulagway sa pundok sa Anakbayan Southern Mindanao Region nga usa ka bakak ang saad nga makahatag og daghang trabaho alang sa mga Pilipino ang pagtukod sa Pax Silica ug sa Luzon Economic Corridor.
Gibutyag ni Anakbayan Southern Mindanao Chairperson Fauzhea Guiani nga ang mga langyaw nga kapitalista ug mga dagkong kumpanya lamang ang tinuod nga makapahimulos sa maong proyekto samtang himuon lamang nga tinubdan sa raw materials ug tigbuo ang Pilipinas tungod sa kakuwang og kaugalingong nasodnong industriya.
Gipasabot ni Guiani nga base sa kasinatian sa ubang mga nasud sama sa Indonesia nga adunay mga Pax Silica hubs, mga langyaw gihapon ang gikuha isip mga executives ug head engineers samtang mga trabahante nga ubos ang suhulan ang ginapangita gikan sa lokal nga populasyon.
Dugtong sa lider sa kabatan onan nga imbes makatabang, mas mosamot pa hinuon ang kawad on sa panginabuhian sa nasud ilabi na nga nagpadayon na karon ang pagpanaktak sa mga empleyado tungod sa artificial intelligence.











