
Nakadawat sa ilang unang nominasyon sa Grammy Awards ang Pilipinong P-pop groups nga BINI ug SB19 alang sa ika-69 nga Grammy Awards sa 2027, human gipahibalo sa Recording Academy ang mga nominado niadtong Nobyembre 16, 2026.
Nominado ang BINI sa kategoryang Best Asian Pop Music Performance alang sa kantang “Unang Kilig,” samtang ang SB19 alang sa ilang awit nga “VISA.”
Makigkompetensiya sila sa ubang nominado sa maong kategorya, lakip ang BABYMETAL ug Polyphia alang sa “Sunset Kiss,” IVE alang sa “BANG BANG,” KiiiKiii alang sa “404 (New Era),” ug LiSA alang sa “YES.”
Kini ang unang higayon nga nakadawat og nominasyon sa Grammy Awards ang mga grupong P-pop, nga nagtimaan sa dakong kalampusan sa musikang Pilipino sa internasyonal nga entablado.
(raniel mahunyag)









