Masinati sa Pilipinas ang grabeng pagkahugaw ug kanihit sa suplay sa tubig nga nahitabo karon sa Indonesia kon ipadayon ang pagtukod sa mga data center sa Pax Silica, matud sa magtutudlo ug lumad rights advocate nga si Jeany Rose Hayahay.

Giklaro ni Hayahay nga sa nasud sa Indonesia diin natukod na ang susamang proyekto, nag antos ang katawhan tungod kay limpyong tubig ang kuhaon sa pasilidad apan hugaw na ang ibuga balik sa palibot.

Gidugang sa aktibista nga mosamot pa kini tungod sa pagkubkob sa kapin 1,600 ka ektaryang yuta nga magbilin og malungtarong kadaot sa mga tinubdan sa tubig sa nasud.

Matud ni Hayahay, dili lang ang Luzon ang maapektuhan niini kondili ang tibuok Pilipinas lakip na ang Mindanao