Nagatoo ang progresibong grupo nga Anakbayan nga mas angay ikaulaw sa gobyerno ang kaugalingong pagdumala niini kaysa ang mga kabus sa nasud nga pugsanon niining gitabunan tungod sa kaulaw atol sa ASEAN Summit.

Sumala ni Anakbayan Chairperson Ming Gomez, usa ka pagpakaaron ingnon ang gihimong pagtabon sa mga kabalayan sa urban poor sa Metro Manila aron lang magpakita og nindot nga imahe sa mga langyawng lider samtang nagpabilin ang korapsyon ug kakabus sa nasud.

Gisaway usab ni Gomez ang depensa sa Malakanyang nga pagpanindot lang kini sa palibot human madiskubrehi sa mga mamumuo sa Liwasang Bonifacio ang mga gipanglabay nga hugaw sa tawo ug hayop.

Alang sa maong grupo, dili mapapas sa bisan unsang pagtabon ang tinuod nga kahimtang sa kalisod nga giatubang sa mga Pilipino samtang binilyon ka pesos ang gigasto sa gobyerno alang sa maong kalihokan