Reject Pax Silica! Kini ang singgit sa mga estudyante, magtutudlo, ug kawani sa gipahigayong campus walkout ug noise barrage sa Cagayan de Oro kagahapong adlawa.

Sumala ni Xavier University Central Student Government President Luiz Nicholai Wong, supak ang kabataan sa Pax Silica kay interes lamang sa Estados Unidos ang mopatigbabaw ug dili ang kaayohan sa Pilipinas.

Gidugang ni Wong nga walay klaro ug transparent nga detalye ang maong kasabutan samtang ang mga Pilipino mao kanunay ang alkansi sa matag deal nga gisudlan sa Amerika.

Gitataw usab sa batan-ong lider nga dili welcome sa nasud si United States President Donald Trump tungod sa mga kagubot nga gidala niini sa tibuok kalibutan nga miresulta sa pagsaka sa presyo sa diesel ngadto sa 100 pesos ug unleaded ngadto sa 80 pesos nga nakaparalisar sa panginabuhian sa mga drayber sa dyip..