Usa lamang ka dakong talking club nga walay konkretong benepisyo sa ekonomiya ang Association of Southeast Asian Nations bisan pa sa 22 bilyon pesos nga gigasto sa gobyerno alang sa pagdumala niini.

Gihulagway ni Economist Joey Pelaez nga gawas sa 30 ka adlaw nga visa free travel sulod sa rehiyon, wala nay nabati nga direktang kaayohan ang mga Pilipino gikan sa maong panagtapok.

Napakyas pa gani ang maong kahugpongan sa pagsulbad sa panagbangi sa utlanan tali sa Thailand ug Cambodia ingon man sa pagpalingkawas kang Aung San Suu Kyi gikan sa military junta sa Myanmar, dugang ni Pelaez.

Sayop nga tayming ang sobra ka magarbohong pag host sa nasud samtang nag antos ang katawhan sa pinakalisod nga kahimtang sa ekonomiya.