Tataw nga problema sa pagdumala sa ekonomiya ug dili lang ang pagsaka sa presyo sa lana sa kalibutan ang hinungdan nganong nagkalisod ang Pilipinas itandi sa mga silingang nasud sa Southeast Asia.

Gitumbok ni Economist Joey Pelaez nga samtang nagtubo sa 5 porsyento ang ekonomiya sa ubang mga nasud ug miabot pa sa 9.5 porsyento ang Vietnam, nahagsak sa pinakaubos nga 2 porsyento ang Pilipinas ug nakasinati og stagflation.

Ang persepsyon sa korapsyon ug kakuwang sa pagsalig sa gobyerno ang nag abog sa mga langyawng negosyante ug nagpugong sa mga lokal nga negosyante sa pagpalapad sa negosyo, pasabot ni Pelaez.

Bisan og parehas nga nag atubang sa krisis sa petrolyo ang tibuok rehiyon, ang Pilipinas lamang ang naunlod sa taas nga presyo sa palaliton, kawalay trabaho, ug hinay nga paglambo sa ekonomiya