
Giklaro sa Commission on Elections (Comelec) nga ang pagbalik sa voters registration nag-unang gitumong alang sa mga bag-ong aplikante nga gustong makabotar sa umaabot nga eleksyon.
Gipahibalo usab sa komisyon nga magpadayon gihapon ang paghatag sa ubang serbisyo sa ilang mga opisina alang sa mga rehistradong botante.
Gilakip niini ang pagbalhin sa lugar sa rehistro, reactivation sa na-deactivate nga voter’s registration, ug pagbag-o sa civil status sa mga botante.
Gitugotan usab ang pag-update sa personal nga impormasyon ug mga rekord sa pagboto aron masiguro nga tukma ug bag-o ang datos sa matag rehistradong botante.
Giawhag sa Comelec ang publiko nga pahimuslan ang maong mga serbisyo aron maandam alang sa umaabot nga eleksyon.






