Giisip sa kapulisan nga usa ka talagsaon ug dakong kalampusan sa kampanya batok illegal mining sa rehiyon ang pag angkon sa 6 ka mga minero nga nadakpan sa Barangay Tuburan, Cagayan de Oro City sa ilang kalambigitan sa maong ilegal nga kalihukan.
Giklaro ni Police Regional Office 10 Spokesperson Police Major Joann Navarro nga personal nga kabubut on sa mga akusado ug walay bisan unsang negosasyon ang nahitabo sa dihang giusab niini ang ilang baruganan ug miangkon sa salaod atubangan sa korte.
Matud ni Navarro, nagpadala kini og klarong mensahe nga dili gyud makigkompromiso ang kapulisan ug ang Mines and Geosciences Bureau sa pagpatuman sa balaod bisan kinsa pa ang nagpaluyo sa maong ilegal nga operasyon.
Nanawagan ang opisyal sa publiko nga magpabiling mabinantayon sanglit nagpadayon pa ang paggukod batok sa mga dagkong financier niini lakip na ang usa ka Chinese national.











