Bansayon sa Bureau of Fire Protection ang mga himsog nga residente sa matag barangay sa Cagayan de Oro aron mahimong unang motubag kon adunay mahitabong sunog atol sa grabeng kainit sa Super El Niño.

Nakita ni Acting City Information Officer Jade Adeser nga dakong risgo sa sunog ang taas nga panahon nga walay pag ulan ilabi na sa mga kabalayan ug establisemento nga gama sa light materials.

Nagtuo si Adeser nga dakong tabang ang pagbansay sa mga molupyo sa grassroots level aron mapugngan dayon ang pagkatap sa kalayo samtang nagpaabot pa sa pag abot sa mga bombero.

Giawhag sa opisyal sa City Information Office ang tanang residente nga magpabiling mabinantayon ug mosalmot sa mga programa sa kaluwasan sa ilang tagsa tagsa ka komunidad.