Gikadismaya sa grupong Federation of Free Workers nga gisulod sa prisohan ug gihikawan sa katungod nga makakonsulta og abogado ang mga nagprotesta samtang gihatagan og red carpet welcome ang mga langyawng bisita atol sa 49th ASEAN Summit.

Giila ni Federation of Free Workers President Atty. Jose Sonny Matula nga adunay positibong epekto sa diplomasya ug pagtinabangay sa pagkaon ug enerhiya ang pagtigom sa 11 ka miyembro nga nasud gawas sa Myanmar nga walay political representation.

Apan, giklaro usab ni Matula nga dili angay isakripisyo sa gobyerno ang kagawasan, katungod, ug dignidad sa ordinaryong katawhan kon ang tinuod nga tumong sa maong summit mao ang kaayohan sa nasud

Giduso sa abogado sa mga mamumuo nga angay respetohon ang katungod sa pagpadayag imbes nga dakpon ang mga lungsuranon atol sa maong internasyonal nga kalihukan.