Gipanawagan sa grupong Federation of Free Workers nga dili lang unta taman sa papel o mga framework agreement ang mga nasabutan sa ASEAN Summit kondili mabati gyud sa tinuod nga kinabuhi sa mga Pilipino.
Gipunting ni Federation of Free Workers President Atty. Jose Sonny Matula nga konkretong tabang ang gikinahanglan sa agrikultura sama sa pagpatudlo sa Vietnam kon unsaon pagpasaka sa ani sa humay gikan sa 80 ngadto sa 120 ka sako matag ektarya.
Gisugyot ni Matula nga himoong government to government ang pagpalit og bugas kon magkulang ang suplay sa nasud aron dili na moagi sa mga pribadong negosyante nga makapasamot sa kamahal sa presyo.
Gitataw sa lider sa mga mamumuo nga ang tinuod nga sukdanan sa kalampusan sa summit mao ang direktang epekto niini sa pagkaon ug panginabuhian sa matag pamilyang Pilipino.








