
Nagpagula ang Senate Impeachment Court sa show cause order batok kang Atty. Paolo Panelo, tigpamaba ni Vice President Sara Duterte, tungod sa iyang mga pahayag nga nagbatikos sa mga senator-judges nga nagdumala sa impeachment trial.
Nag-ugat ang kontrobersiya human sa mga komentaryo ni Panelo kasunod sa ika-44 nga adlaw sa paglilitis diin iyang gikuwestiyon ang paagi sa pagpangutana ug mga obserbasyon sa pipila ka senator-judges ngadto sa depensa nga testigo nga si Atty. Rainer Dela Fuente.
Mipahayag usab si Senator-Judge Erwin Tulfo sa kabalaka sa ika-45 nga adlaw sa pagdungog ug mihangyo nga usisahon ang mga pulong ni Panelo pinaagi sa pag-isyu og show cause order.
Gibutyag ni Tulfo nga dili opisyal nga kabahin sa impeachment proceedings si Panelo apan naghatag gihapon kini og mga komentaryo mahitungod sa mga miyembro sa impeachment court bisan pa nga ang iyang giserbisyohan nga bise presidente mao ang giatubang nga kaso.
Gimanduan karon si Panelo sa pagpasabot ngano nga dili siya angayng kasampongan og angayng lakang tungod sa iyang mga pahayag batok sa impeachment court.


