Bruno Mars mourns his father, Peter Hernandez. Read his heartfelt Instagram message remembering his 'greatest dad in the world' and their last hug.

Nagbangutan ang Grammy-winning Filipino-American singer-songwriter nga si Bruno Mars sa pagkamatay sa iyang amahan nga si Peter Hernandez, kansang hinungdan sa kamatayon kay wala pa gipahibalo.

Sa usa ka kinasingkasing nga mensahe nga iyang gipatik sa Instagram sayo ning semanaha, gihinumdoman ni Mars ang ilang katapusang paggakos sa miaging semana.

Gipasidunggan usab sa mag-aawit ang iyang amahan sa pagpadako kaniya ug sa iyang mga igsoon, ug gihulagway kini isip “the greatest dad in the world” ug ang tawo nga nagtudlo kaniya sa tanan niyang nahibaloan, ilabi na sa musika.

Sa pagtapos sa iyang mensahe, gipadayag ni Mars ang dakong kamingaw nga iyang gibati sa iyang amahan ug gihangyo kini nga halokan alang kaniya ang iyang namatay nang inahan. (raniel mahunyag)