Asahan ang malaking Rollback sa Presyo ng Petrolyo at LPG sa susunod na linggo! Bawas sa diesel, gasolina, at kerosene. Alamin ang eksaktong halaga.

Usa ka back-to-back nga pagkunhod sa presyo sa mga produktong petrolyo ug liquefied petroleum gas (LPG) ang mosugat sa mga konsumidor sa sunod semana.

Unang ipatuman karong umaabot nga Domingo ang P2 matag kilo nga rollback sa presyo sa LPG, nga katugbang sa kinatibuk-ang P22 nga menos sa matag kasagarang 11-kilogram nga tangke.

Sundan dayon kini sa pagkunhod sa presyo sa mga produktong petrolyo sa pagsugod sa semana, diin gibanabanang mous-os og P2.67 matag litro ang diesel, P2.47 matag litro sa gasolina, ug P1.88 matag litro sa kerosene nga base sa patigayon sa Mean of Platts Singapore (MOPS).

Gitumbok nga hinungdan sa sunod-sunod nga pag-ubos sa presyo ang hinay nga demand ug ang nagpabiling lig-on nga suplay sa petrolyo sa merkado sa kalibutan.

Giklaro usab sa industriya sa lana nga pasiunang pagbanabana pa lamang kining maong mga numero sa petrolyo ug mahimo pa kining mausab depende sa ipagawas nga pahibalo sa Department of Energy (DOE). (raniel mahunyag)