Defense presents images of Cale88 Foods Corporation's production site & BOI registration. Discover its export enterprise status & links to VP Duterte's circle.

Gipresenta sa kampo sa depensa ang mga hulagway sa pasilidad sa Cale88 Foods Corporation sa gipahigayong virtual inspection niadtong 2021.

Gipresenta kini isip kabahin sa testimonya ni Department of Trade and Industry (DTI) Undersecretary Ceferino Rodolfo, nga naghatag og katin-awan sa pagparehistro sa kompanya sa Board of Investments (BOI).

Makita usab sa gipresentang dokumento ang pagtambong ni Dr. Lourdes Lebosada sa virtual inspection.

Una nang nahisgutan sa trial nga dentista siya ni Vice President Sara Duterte ug managsamang nakabaton og shares sa Cale88 si Lebosada ug ang bana sa Bise Presidente nga si Atty. Manases Carpio sa dihang gitukod ang maong kompanya niadtong 2021.

Dugtong niini. gikumpirma usab ni Rodolfo nga nakarehistro ang Cale88 sa BOI isip export enterprise nga nagpasabot nga gikinahanglang dili moubos sa 70 porsiyento ang kinatibuk-ang produksyon niini ang igahin alang sa pag-export. (raniel mahunyag)