
Misaka pa sa siyam ka tawo ang patay sa presko nga pagpangatake sa Russia sa nasud sa Ukraine. Ang atake, milungtad sa halos 10 ka oras kundiin, misakapa sa 30 ka tawo ang samaran.
Gigamit sa pag-atake ang kapin 400 ka attack drones ug 110 ka missile, lakip ang 27 ka ballistic missiles, nga miigo sa mga tulay, pasilidad sa kuryente ug mga residential building.
Gipadayag ni Ukrainian President Volodymyr Zelenskyy nga apil sa mga target ang mga pasilidad nga nagsuplay sa kuryente sa mga nuclear power plant ug nagdugtong sa power grid sa Ukraine ngadto sa mga nasod sa European Union.
Gikondenar usab ni Zelenskyy ang paggamit sa Russia og cluster warheads ug ang sunod-sunod nga pag-atake nga giingong nakababag sa rescue operations ug pag-ayo sa mga nadaot nga imprastraktura.
Misaway usab si NATO Secretary General Mark Rutte sa maong opensiba ug nagpahayag sa kabalaka sa nagkalapad nga epekto niini ngadto sa mga teritoryo sa alyansa






