Gipamugos ni Adiong nga irrelevant ang testimonya sa depensa sa Impeachment Sara Duterte, nagtutok sa Article II, undeclared assets, ug P1.5B transactions.

Gipamugos ni House Prosecution Spokesperson ug Lanao del Sur Representative Zia Alonto Adiong nga layo sa sentrong isyu sa Article II sa impeachment complaint ang mga testimonya sa duha ka testigo sa depensa ni Vice President Sara Duterte.

Gibutyag ni Adiong nga ang nag-unang mga isyu nga kinahanglan klarohon mao ang giingong dili hustong deklarasyon sa mga kabtangan sa bise presidente ug ang mga kadudahan nga mga transaksiyon nga hapit moabot sa P1.5 bilyon nga gi-report nga na-flag sa Anti-Money Laundering Council (AMLC).

Mahinumduman nga mitestigo niadtong Nobyembre 20 si DTI Undersecretary Ceferino Rodolfo bahin sa pagparehistro sa Cale88 Foods Corporation isip export enterprise, samtang si FDA Director IV Pilar Marilyn Pagayunan mipresentar sa mga dokumento nga may kalabotan sa rehistrasyon sa banana chips sa kompanya.

Gitumbok ni Adiong nga ang ilang mga testimonya nakapokus lamang sa mga permit, sertipikasyon, ug rehistrasyon sa kompanya ug wala makatubag sa mga pangutana bahin sa giingong mga kabtangan ug financial transactions nga giangkat sa prosekusyon.

Mopadayon ang impeachment trial sa Disyembre 1 human wala madayon ang mga hearing sa Nobyembre 26 ug 27 tungod sa dili pagkaanaa sa sunod nga mga testigo sa depensa.