Gipahugtan karon sa City Social Welfare and Development kon CSWD ang pagpatuman sa kampanya batok sa pagpanglimos sa kadalanan sa dakbayan sa Cagayan de Oro.

Namahayag si CSWD Oro Response and Processing Center Officer Cherikhawa Khawa Paña nga walay hunong ang paglibot sa maong buhatan sa siyudad kausa ngadto sa kaduha matag semana hangtod sa gabii kauban ang Cagayan de Oro City Police Office aron magpahigayon og reach out operations.

Gipahibalo ni Paña nga gi edukar sa CSWD ang mga Badjao ug mga miyembro sa Indigenous Peoples nga ginadili ang pagpanglimos sa dakbayan apan gitugotan ang pagpaninda og mga produkto.

Gidugang sa opisyal nga gi refer usab sa ahensya ang maong mga indibidwal ngadto sa mga non government organizations nga nagtanyag og mga programa ug serbisyo alang sa panginabuhian.