Misaka na ngadto sa singkwenta hangtod saisenta ang ihap sa mga bag ong nangabot nga Badjao nga nanglimos sa kadalanan sa Cagayan de Oro itandi sa lima ngadto sa napulo lamang matag semana kaniadto.

Gipadayag ni CSWD Oro Response and Processing Center Officer Cherikhawa Khawa Paña nga padayon ang pagpahimangno sa maong buhatan ngadto sa maong grupo nga bawal ang easy money pinaagi sa pagpanglimos dinhi sa dakbayan.

Gipunting ni Paña nga giawhag sa lokal nga kagamhanan ang mga bag ong salta nga mobalik na lamang sa gigikanang lugar kon dili makamao mamaligya o magnegosyo.

Gitataw sa opisyal nga hugot ang pagbantay sa CSWD ug kapulisan aron dili na modaghan ang mga makililimos sa siyudad labi na sa nagsingabot nga panahon sa kapaskuhan