Direkta nga gipadayag ni Cagayan de Oro City ABC President ug Gusa Barangay Kapitan Marlo Tabac nga mas labaw niyang gipaboran ang pagpahigayon sa eleksyon imbes nga iduso na usab ang pag-oktaba niini.
Gipasabot sa opisyal nga dako ang iyang pagtahod sa katungod sa katawhan nga makapili ug makapadayag sa ilang tingog pinaagi sa pagbotar.
Gidugang pa ni Tabac nga bisan pa kon moabot na sa 15 ka tuig ang iyang paglingkod sa barangay tungod sa mga pag-oktaba nga milapas na sa gitugot nga 9 ka tuig, andam na siyang mohatag sa higayon sa uban.
