Gisaway ni Lanao del Sur 1st District Representative Zia Alonto Adiong ang matud pa pagbalhin sa mga opisyal nga katungdanan ug gimbuhaton ngadto sa mga indibidwal nga walay hurisdiksyon o awtoridad sa opisina sa Bise Presidente.
Usa niini, ang gitug-an ni OVP Special Disbursement Officer (SDO) Gina Acosta, kinsa mi-angkon nga iugo ra siya gisugo ni Vice President Sara Duterte nga magwithdraw sa mga salapi sa bangko ug itunol ang confidentials funds kang kanhi Colonel Dante Lachica, ang hepe sa Vice Presidential Security and Protection Group.
Miingon si Adiong nga ang pagkopya ug pagpatuman sa mga programa didto sa Davao City pinaagi pagkuha sa mga tawo nga walay direktang kalabutan sa OVP, tataw nga nakasupak sa mga gitakdang patakaran. Gipasabot sa magbabalaod nga gawas sa paglapas sa joint circular, kini nga aksyon pamatuood sa illegal delegation of duty.
Gitin-aw ni Adiong nga ang matag ahensya adunay gihuptan nga mandato ug otoridad nga kinahanglang sundon sumala sa mga na-establisar nga balaod ug palisiya.
Dili matud pa pwedeng i-transfer basta-basta ang mga gimbuhaton nga gitugyan sa usa ka partikular nga opisyal ngadto sa uban nga walay legal nga basehanan.
Tungod niini, gipatuman ang mas striktong pag-inspeksyon sa delegation of duties and responsibilities sa mga trabahante sa Office of the Vice President sa korte sa Impeahcment aron masiguro nga ang matag programa natuman subay sa husto ug legal nga proseso sa gobyerno
