Gipasabot sa celebrity Engineer Slater Young kung nganong nagpakahilom ang iyang pamilya ug ang real estate developer nga Mont Property Group Inc., human sila ang direktang gibasol sa grabeng pagbaha, nga miresulta sa pagkakalas sa kapin 100 ka tawo, sa pag-igo sa Bagyong Tino, niadtong Nobyembre 4, 2025.
Mi-ingon si Young nga mas gipili nila nga magpakahilom ug gustong ipatuman ang imbestigasyon gamit ang “science-based” nga ebidensya kung tinood ba nga sila ang angayan basulon sa hitabo.
Human migawas ang resulta sa pagtuon (independent study) gikan sa mga scientist sa University of the Philippines (UP), napamatud-an nga ang Monterraza Project dili maoy hinungdan sa pagbaha ug pagpasamot sa baha, apan, ang dakung bulhog sa tubig ulan nga gibubo sa Bagyong Tino.
Gitin-aw sa enhenyero nga dili konektado ang Mont Property Group sa mga imbestigador ug researcher sa UP.
Taliwala sa taas nga panahon sa pagpakahilom, mi-angkon ang celebrity engineer nga dili tiaw nga pagbiay-biay nga kritisismo ang ilang nadawat, dili lang isip developer, apan, isip mga ginikanan nga nagprotihir sa mental health sa ilang mga anak.
Hinoon, miangkon kini nga ang ilang kasakit DILI MAKATANDI sa kapait nga nabati sa mga namatyan.
Gusto ni Young nga matin-awan ang tanan busa, karon pa kini nagpalugwa sa iyang opisyal nga pahayag gamit ang iyang social media.
