CAGAYAN DE ORO CITY – Gitin-aw sa kapolisan nga walay foul play ang paghikog-patay sa tinun-an nga residente sa Zone 6,Sitio Bulao,Brgy Iponan ning syudad.
Kini human nakit-an na lamang nga nagbitay sulod sa ilang pinuy-anan ang biktima nga si Xyrex Buhayan nga residente sa lugar.
Gibutyag ni COCPO spokesperson Maj Evan Viñas nga migamit sa giputol-putol nga habol ang biktima nga gihikot sa iyang li-og ayha nagpaka-bitay sa ilang pinuy-anan kagahapon sa buntag.
Misulti ang inahan sa biktima nga nakasinati sa grabeng kaguol ang iyang anak tungod usab sa paghikog-patay sa amahan niini duha ka tuig na ang nakalabay.
