Gitukod sa Department of Justice (DOJ), Department of Transportation (DOTr) ug Land Transportation and Franchising Regulatory Board (LTFRB) ang Anti-Colorum Task Force aron masiguro ang tukmang pagpatuman sa balaod. Namahayag si Justice Secretary Federic Vida nga tumong niini ang pagpugong sa mga sakyanan nga mamamasada nga walay prangkisa. Klaro sa balaod nga dili tugotan ang operasyon sa mga sakyanan nga walay kumpletong dokumento. Ang mga colorum sakyanan dili makahatag sa proteksyon ug benepisyo sa drayber ug pasahero tungod kay wala kini insurance.
