Dili gusto ni Presidente Ferdinand Marcos Jr nga adunay Pilipino nga mahimong traydor sa kaugalingong gobyerno o nasud.
Busa alang kang Palace Press Officer Atty Claire Casto, posible nga usbon ang kasamtangang Anti-Espionage Law human kini ma-aprubahan sa Kamarabaha sa third ug final reading.
Gibutyag ni Castro nga wala pa makita ni Pangulong Marcos ang bersyon sa sugyot nga gipasa sa mga magbabalaod busa wala pa siya’y pinal nga posisyon kalabot niini.
Apan iyang gipahayag nga susihon sa Pangulo ang unod sa sugyot ilabi na kon kinahanglan ang mga kausaban aron matubag ang bag-ong pamaagi sa espionage ug uban pang lihok nga makadaot sa seguridad sa nasud.
Gipunting usab ni Castro nga dili gusto sa Pangulo nga adunay mga Pilipino nga magtaksil sa nasud ug sa kapwa Pilipino.
Ang pamahayag naghatag ug klaro nga mensahe nga ang administrasyon bukas sa mga kausaban aron masiguro ang proteksyon sa nasud. Kini nagtimaan sa padayon nga debate sa papel sa gobyerno sa pagpanalipod sa seguridad ug katungod sa katawhan.
