Nangayo’g katin-awan si Senator-Judge Bam Aquino kung unsa nga klase sa pag-imbestigasyon ang ilusad sa Anti-Money Laundering Council (AMLC) ilabe kung walay “economic justification” ang ₱319.33-M transaksyon nga nasulod sa account sa Cale88 Foods Corporporation.
Gibutyag ni Leslie Cham, Branch Banking Group Head sa Secuty bank nga nga mahimong “suspicious” ang usa ka bank o financial transaction kung walay kalakip nga proof of source of income o ebidensya kung asa gikan ang pondo.
Una niini, mismo ang AMLC ang miingon nga walay “underlying legal or trade obligation, purpose, or economic justification” ang mga transaksyon nga may kalabotan sa kompanya, taliwala sa ₱319.33 milyon nga inward remittances gikan sa China ug Hong Kong.
Subay sa maong sistema, giila sa mga bangko nga kaduda-duda ang mga transaksyon nga walay maipakitang dokumento.
Bisan wala niya direktang gitumbok ang ₱319.33-M transaksyon sa Cale88, giingon nga kini nga pamatasan gisunod sa tanang bangko sa nasud, lakip na ang mga bangkong may kalabotan sa Cale88.
