CAGAYAN DE ORO CITY – Nagtuo si Atty Toni Soriano, Citizens Watch for Good Governance kon CWGG convenor nga igo na ang panahon aron mapalugwa sa RTC-Mandaluyong ang warrant of arrest batok kang Sen Leila de Lima. Iyang gibutyag nga nahatagan pa si De Lima sa tsansa nga tubagon ang reklamo nga gisang-at kaniya pinaagi sa pagfile sa counter affidavit apan iya kining gibaliwala. Kini matud pa ang hinungdan nga gi-isyu ubos sa sala ni Judge Juanita Guerrero sa Regional Trial Court Branch 204 ang pagdakop kaniya subay sa balaod sa korte. Nakita sa abogado ang pag-isnab ni De Lima sa justice system sa nasud taliwala pa man nga siya usa ka law expert ug nagsilbing kalihim sa DOJ. Sa kinatibuk-an, napamatud-an ni Atty. Soriano nga nawalaan na’g respeto ang bagitong senador sa “due process” o balaod sa hukaman. Gawas pa niini, ang iyang paglakmit isip unod sa iyang mga emosyonal nga public speeches ug prescon nga mi-akusar kang Pres Rodrigo Duterte nga usa ka “killer” (kriminal) ug “psychopath” (dakung bu-ang).
