Mokabat na sa 13 milyones pesos ang kinatibuk-ang damyos sa agrikultura sa probinsya sa Albay tungod sa padayong pag-albOroto sa Bulkang Mayon.
Natabonan sa bag-ong abo ang halapad nga kaumahan, hinungdan nga nangamatay ang mga pananom nga hapit na unta anihon sa mga mag-uuma.
Naguol na ang mga lokal nga producers tungod sa dakong kawad-on sa ilang panginabuhian samtang nagpabiling delikado ang palibot sa danger zone.
Naglihok na karon ang kagamhanan aron mapadangat ang dinaliang ayuda ug mga binhi ngadto sa mga pamilyang grabeng naapektuhan sa kalamidad.
Gibantayan usab pag-ayo sa mga awtoridad ang dagan sa presyo sa mga utanon sa merkado aron dili kini mosaka taliwala niining nasinatian nga krisis. (jane abulag)
