Wala nay mahimong babag sa pag-aginod sa committee report sa plenaryo sa kamarabaha, kalabot sa 2 ka impeachment complaints nga adunay probable cause gikan sa House Committee on Justice.
Kini ang gibutyag ni kanhi Intergrated Bar of the Philippine CDO-MisOr Chapter President Eddie Cuaresma sa interbyu sa BOMBO RADYO.
Base sa obserbasyon ni Cuaresma, nasubay sa komitiba ni Kongresista Gerville Luistro ang tanan gipangayo sa rekisitos sa Korte Suprema aron walay suliran sa teknikalidad nga ilang atubangon sa pag-impeach kang Vice President Sara Duterte.
Miingon si Cuaresma nga bisan daghan ang magpamugos nga adunay iregularidad, dili malalis nga gisubay sa magbalaod ang pagmugna sa resolusyon aron makita kung supisyente ba sa porma, unod, substansya hangtud sa nahukman sa komitiba nga kini adunay probable cause.
Maoy gikadismaya ni Cuaresma ang wala pagtingog ug pagtunga sa bise presidente sa tanan hearing nga siya gi-imbitar sa komitiba
