Miresbak si Palace Press Officer Atty. Claire Castro sa pahayag ni Vice President Sara Duterte nga andam siyang mopuli sa liderato sa Pilipinas kon mag-resign si Presidente Bongbong Marcos. Gipangutana ni Castro kon andam ba usab ang katawhan sa daghang Mary Grace Piatos nga mahimong kauban ni Duterte kon siya na ang mangulo sa nasud. Iyang gikonsiderar ang taras sa bise nga posibling utok sa destabilization plot batok sa kasamtangang administrasyon, samtang nag-atubang ang nasud sa daghang krisis nga naghulga sa kalinaw. Mahinumduman nga mitumaw ang ngalan ni Mary Grace Piatos isip dummy signatory sa gigamit nga sekretong pondo sa Office of the President, nga giimbestigaran sa Kongreso ug maoy nakapahimong basihanan sa pag-impeach kaniya niadtong Pebrero ning tuiga.-
