Gi-uyonan ni Atty. Angel Lim ang argumento ni kanhi Executive Secretary Vic Rodriguez nga adunay legal nga basehan ang usa ka lungsoranon sa pagkuwestiyon sa aksyon sa mga ahensiya nga gihatagan sa gahum sa Konstitusyon.
Sa interbyu sa BOMBO RADYO, iyang gipasabot nga bisan gi-dismiss sa Supreme Court ang petisyon ni Rodriguez tungod sa procedural grounds sama sa kakulang sa legal standing ug pagka-premature sa kaso, mahimo pa kini nga ipasaka pag-usab pinaagi sa motion for reconsideration.
Isip usa ka abogado, iyang gitin-aw nga gitahud niya ang desisyon sa Korte Suprema, apan ang argumento ni Rodriguez may punto nga angay pang susihon.
