CAGAYAN DE ORO CITY, Philippines– May gi-andam nang hulip si Presidente Ferdinand Marcos Jr, kang DILG Secretary Benhur Abalos Jr., kinsa lakip sa senatorial line up sa administration bets sa nagkaduol nga 2025 Midterm Elections.
Miingon ang presidente nga dili pa niya gusto sipaon sa puwesto si Abalos ug hulatan pa niya ang desisyon ug rekomendasyon niini sa iyang bakantihan nga ahensya.
Base sa balaod sa Civil Service, kinahanglang apolitikal o walay dapigan nga kandidato ang mga nanarbaho sa gobyerno gawas sa presidente nga may gahum sa pag-endorsar sa kandidato sa gobyerno.
Oras nga makafile sa sertipiko de kadidatura si Abalos, kinahanglan isubmitar niini ang iyang resignation letter sa presidente.
