Gikwestyon sa geopolitical analyst nga si Herman Tiu Laurel ang kredibilidad sa giingong sulat gikan sa China batok kay Defense Secretary Gibo Teodoro tungod sa kawalay pormal nga ebidensya.
Sumala sa analista, kaduda-duda ang nahitabo sa Seoul Defense Dialogue tungod kay nakasulat ra kini sa kamot gamit ang letterhead sa usa ka hotel ug walay klarong nagpadala.
Gisaway usab sa analista ang gipagawas nga emosyonal nga pamulong sa kalihim imbes nga mogamit og lig-ong legal nga argumento bahin sa UNCLOS ug arbitration.
Dugang pa ni Laurel, makadaot ang maong aksyon sa paningkamot nga maayo ang relasyon sa duha ka nasud taliwala sa mga probisyonal nga kasabutan ug mga pondo alang sa mga proyekto batok sa baha.-
