Gipakalma ni PNP Chief Police General Nicolas Torre III ang tensyon tali sa Philippine National Police (PNP) ug National Police Commission (NAPOLCOM human gisupak sa NAPOLCOM ang iyang direktiba sa paglahugay sa pipila ka PNP officials.
Sa press briefing sa Camp Crame, giingon ni Torre nga “internal matter” lamang kini ug dili angay ukayon sa publiko.
Gipasabot sa NAPOLCOM nga sila ang may administrative control sa tanang units sa PNP, samtang ang PNP maoy responsable sa operasyon ug seguridad.
Ang isyu mas napalalom pa tungod sa panagbangi tali sa Criminal Investigation and Detection Group (CIDG) ug Department of Justice (DOJ), diin giakusahan ni Secretary of Justice (SOJ) Jesus Crispin Remulla ang CIDG nga adunay missing affidavits may kalabotan sa kaso sa mga nawalang sabungero, ug ang CIDG miakusar sa DOJ nga gapamugos sa pagdawat sa mga “ready made” nga mga affidavits.
Pipila lamang kini sa gitoohang mga hinungdan nga nakapukaw sa pagsupak sa mando ni Torre. Ang CIDG, ubos sa direktiba ni Torre, samtang ang Chairperson sa NAPOLCOM mao si DILG Secretary Jonvic Remulla, igsoon ni SOJ Remulla.
