Mikortesiya ang mga miyembro ug kadagkuan sa Bangsamoro Federal Party (BFP) sa palasyo ning adlawa
Gipasidunggan ni Pangulong Ferdinand R. Marcos Jr. si Interim Chief Minister ug Chairman sa Bangsamoro Federal Party (BFP) Abdulraof Macacua tungod sa malampusong pagdaug sa bag-o lang nahuman nga BARMM Parliamentary Elections, diin nakakuha sa pinakadaghan nga boto ang BFP.
Nagtala ang makasaysayang eleksiyon og taas nga voter turnout nga mga 84% ug nahimong kinatibuk-ang malinawon sa tibuok rehiyon sa Bangsamoro.
Ang kalampusan sa unang parliamentary elections nagtimaan sa pagkumpleto sa political track sa proseso sa kalinaw sa Bangsamoro ug sa pagbalhin sa rehiyon ngadto sa hingpit nga nahalal nga parliamentary government.
Gihisgutan usab sa miting ang mga mosunod nga lakang alang sa bag-ong napili nga Pamahalaan sa BARMM, lakip na ang padayon nga pagpanghatag sa mga programang pangkauswagan ug serbisyo alang sa mga katawhan sa Bangsamoro, ug ang pagpadayon sa normalization track sa proseso sa kalinaw aron mapreserbar ang nakab-ot nga kalinaw ug kauswagan sa rehiyon.
Mitambong usab sa miting sila Executive Secretary Ralph Recto, Special Assistant to the President Anton Lagdameo, ug MILG Minister Jordan Bayam
