Gisaysay ni Barangay Opol, Misamis Oriental Barangay Kagawad Emmanuel Bersabal nga pipila na ka higayon nga gipatawag sa barangay ang mga estudyanteng nalambigit sa panag-away sulod sa eskwelahan.
Matod niya, lakip sa mga nalambigit ang mga estudyante sa Grade 5 ug Grade 4, diin adunay mga bata nga nag-edad og 7 pito hangtod 8 walo ka tuig.
Gipatawag pag-usab ang mga estudyante human adunay laing insidente sa panag-away sulod sa eskwelahan human sa klase.
Nakadawat usab ang barangay og mga report nga adunay mga estudyante sa Grade 4 nga naghimo og mga armas, lakip ang improbisadong pusil nga gitawag og patsa-korno.
Dugang pa ni Bersabal, adunay mga estudyanteng nagdala og mga delikadong butang sama sa improbisadong kutsilyo ug ice pick, nga giingong gamiton aron depensahan ang ilang kaugalingon
